Allt að skríða saman

Dagarnir níu í Hollandi líða fljótt enda höfum við skötuhjúin haft nóg fyrir stafni. Snemma í vikunni fórum við í Ikea og keyptum okkur búslóð í nýju íbúðina og vorum við fljót að fylla höllina. Þessi búslóð saman stóð af svefnsófa, teppi, tveim diskum, hnífapörum og pönnu. Þið getið ímundað ykkur hversu mikilfengleg og rúmgóð þessi nýju híbýli eru.
Rétt hjá Ikea er risastór skógur og inn í þessum skóg er risastórt vatn. Þetta er vinsælt útivistarsvæði og lá leið okkar einn daginn í dýrindis veðri. Þega við vorum að nálgast vatnið fattaði ég að engin sundföt voru í farangrinum og síðust metrana var ég að mana mig upp í að smella mér bara á strenginn, við erum jú í frjálslynda landinu. Þegar við vorum búin að finna álitlegan stað námu augu mín staðar á rasskinnum gamals karls. Ég hugsaði með mér "Hey, hann er í g-streng, þá get ég það líka!" Þegar karlinn ákveður svo að beygja sig eftir samloku í nestiskörfuna sína sé ég tólin í öllu sínu veldi dangla þerna inn á milli blómanna í skógarjaðrinum. Þá rennur upp fyrir mér að hann er ekki í neinum streng! Skemmtilegt það.
Við fórum einnig til Den Haag en það tekur bara 20 mínútur að fara þangað með tramminu. Den Haag er virkilega skemmtileg og notaleg borg. Forvitnilegar búðir eru á hverju horni, gallerí, kaffihús, sendiráð, söfn og grinilegur matur. Den Haag er semsagt menningarborg Hollands að mínu mati. En þar sem ég get verið oft á tíðum menningarlaus er ég búinn að finna minn stað í Haag. Það er ströndin Scheveningen! Þar er hægt að sörfa allan ársins hring, liggja og sleikja sólina með ís í einni og sand í hinni eða kite surfa. Það er víst vinsælast hjá heimamönum en list sem ég hef enn ekki tileinkað mér en er á to do listanum. Hér getiði tjekkað á ströndinni minni fínu, þetta er engin Nauthólsvík get ég segt ykkur... http://81.205.150.70:10001/ Á einmitt þessum stað eyddum við svo deginum í gær í sól og blíðu. Ossalega notalegt.

kveð að sinni Elína